İctimaiyyətə on gün görünməyən Vladimir Putin, nəhayət ki martın 16-da Qırğızıstan prezidentinin səfəri zamanı yenidən kameraların obyektivi önünə çıxdı.
Dünyada dövlət başçılarının yoxa çıxması heç də nadir hadisə deyil. Liderlər ekranların radarlarından bir neçə gün və hətta bir neçə ay mütəmadi olaraq itiblər.
Analitik.az itmiş prezidentlərinin kiçik siyahısını təqdim edir.
Vladimir Putin: 5 mart- 16 mart 20015-ci il
Rusiya prezidentinin tərəfdarları yəqin ki, rahat nəfəs aldılar. İctimaiyyətə on gün görünməyən Vladimir Putin, nəhayət ki martın 16-da Qırğızıstan prezidentinin səfəri zamanı yenidən kameraların obyektivi önünə çıxıb .
Buna qədər isə onu sonuncu dəfə martın 5-də italiyalı həmkarı Matteo Rensi ilə mətbuat konfransında görmüsdülər.
Vəssalam: bu kifayət etdi ki, ictimaiyyətdə söz-söhbətlər başlasın: Onun məşuqəsinin İsveçrədə ana olması, dövlət çevrilişi, xəstəliyi və ya vəfatı…
Bu şaiyələr o qədər artdı ki, yuxarı dairələrdə hətta qıcıq yaratdı: “Biz artıq yüz dəfə bu barədə demişik, bu, artıq gülməli deyil”, deyə prezidentin mətbuat katibi Dmitri Peskov əsəbini saxlaya bilmədi.
Kim Çen İn : 3 sentyabr – 14 oktyabr 2014-cü il
3 sentyabr 2014-cü ildə Şimali Koreya diktatoru konsertdə arvadı ilə cəmiyyətə görsənib. Lakin sonra ölkənin rəsmi informasiya agentliyi “əziz lider” haqqında təxminən altı həftə danışmadı. Bir çoxları onun səhhətində problemlər haqqında düşünməyə başladılar.
Kim Çen İn oktyabrın 14-də yenidən ictimaiyyətə görsəndi, lakin onun yoxluğuna heç bir izahat verilmədi.
Ekranda yalnız “kirəmitlə əlvan bəzədilmiş yaşayış evləri və ictimai binaları”nı seyr edən rəhbər göründü.
.jpg)
Robert Muqabe : Dekabr 2013 -cü il – yanvar 2014-cü il
İndi artıq 90 yaşı olan Zimbabve prezidenti Robert Muqabe ölkəni hələ 1987-ci ildən dəmir əllə idarə edir.
Əhalisinin aclıqdan əziyyət çəkdiyi bir ölkədə 89-cu ildönümü şənliklərinə 600 min dollar xərcləyən ölməz lider, 2014-ci ilin əvvəlində üç həftə ərzində ölkədə sadəcə, heç bir yerdə görünmədi.
Dəfələrlə Sinqapura müalicə üçün səfərlərə getməsinə baxmayaraq, prezident qocalıq əlamətlərini inadla inkar edirdi.
O, öz sağlamlığı barədə şayiələrə qarşı çoxdan vərdiş edib və “Həzrəti İsadan daha tez-tez” zühur etdiyi ilə öyünür.
Əbdüləziz Buteflika: Aprel – oktyabr 2014-cü il
Əlcəzair prezidenti KİV-in nəzərindən 2013-ci ilin aprelində keçirdiyi insultdan sonra səhhətində yaranan ciddi problemlər səbəbindən tez-tez itir.
Yenidən prezident seçildikdən sonra 2014-ci il aprelin ortalarında Əbdüləziz Buteflika oktyabra qədər yalnız hərdən ekranlarda peyda olurdu, özü də çox vaxt birbaşa yayımla deyil.
Oktyabrın 8-də o, prezidentin sağlamlıq vəziyyətinin “yaxşılaşdığını” qeyd edən əlcəzairli diplomat Brahimi Laxdar ilə açıq görüş keçirib.
Lakin bir neçə həftədən sonra yenidən xəstəxanaya çatdırılıb və bu barədə mətbuata heç bir izahat verməyi lazım bilməyiblər.
.jpg)
Fidel Kastro: Aprel , 2013-cü il – yanvar 2014-cü il
Belə müəmmalı yoxa çıxmalar 88 yaşlı Fidel Kastro üçün qeydi -adi hal deyil. O, qardaşı Raula hələ 2006-cı ildə hakimiyyəti idarə etməyi həvalə etsə də, onun sağlamlıq durumu bütün yerli KİV üçün yenə də ən vacib məsələdir. Belə ki, 2014-ci il aprelin 8-də o doqquz ay kölgədə qalmasına son qoyaraq, rəsm qalereyasının açılışında göründü.
Bu ilin fevralında isə növbəti altı aylıq “yoxa çıxmasını” başa vurub: Granma saytı liderin qəzet oxuduğu və televizora baxdığı şəkillərini yayıb. Bütün bunlar adıçəkilən nəşrdə “Fidel – müstəsna adam” başlığı altında verilib.
Bəşər Əsəd: 18 iyul – 19 avqust 2012-ci il
Ölkədəki münaqişədən 17 ay sonra, 2012-cu ilin iyulunda Suriya prezidenti Bəşər Əsəd bir ay radarlardan itib.
Təhlükəsizlik xidmətinin dörd əməkdaşı həyatını terror nəticəsində itirdikdən sonra o, uzun müddət həyat əlaməti göstərmədi və yalnız avqustun 19-da Dəməşq məscidində müqəddəs Ramazan ayının başlanması münasibətilə keçirilən tədbirdə yenidən göründü.
Şarl de Qoll: 29 may – 30 may 1968-ci il
Sonuncu və ən uzaq (və daha demokratik) nümunə Fransaya aiddir. 1968-ci ilin mayında tələbə və həmkarlar ittifaqları küçələrdə tüğyan edəndə, general de Qoll Jorj Pompidu baş nazir təyin edib və sosial münaqişələrin qaynadığı bir zamanda Kolumba dincəlməyə gedib.
Lakin heç kim, hətta dövlətin ən yüksək səviyyədə olan məmurları da onun ora getdiyini görməyib və heç kimin de Qollun harada olması barədə məlumatı yox idi.
Əslində Fransa prezidenti Almaniyanın Baden-Baden şəhərində ciddi məxfilik şəraitində Almaniyada fransız qüvvələrini idarə edən general Мassyunun yanına gedibmiş. Ertəsi gün o, Fransaya qayıdaraq, Milli Məclisin buraxılması haqqında elan edib.
Son şərhlər