NATO üzvlərinin Macarıstandakı səfirləri Macarıstan lideri Viktor Orbanın Rusiya prezidenti Vladimir Putinlə Pekində görüşündən sonra yaranan problemləri müzakirə etmək üçün Budapeştdə toplantı keçirib. Elchi.az xəbər verir ki, Bloomberg bu barədə ABŞ səfirliyinin nümayəndəsinə istinadən xəbər verir.
Orban onun barəsində beynəlxalq həbs orderinin verilməsindən sonra Putinlə görüşən Avropa İttifaqının ilk lideri oldu. Macarıstanın baş nazirinin Rusiya ilə enerji sazişləri bağlamaqla, Ukraynaya yardımı məhdudlaşdırmaqla və Aİ-nı Moskvaya qarşı tətbiq edilən iqtisadi sanksiyaları ləğv etməyə açıq şəkildə çağırmaqla Qərbin birliyini pozduğu və NATO narahatlığını artırdığı bildirilir.
“Biz Macarıstanı müttəfiq hesab edirik, lakin eyni zamanda onun Rusiya ilə münasibətlərini dərinləşdirdiyini görürük”, – ABŞ səfiri David Pressman deyib. O əlavə edib ki, NATO müttəfiqləri, həmçinin İsveç Macarıstanın Rusiya ilə əlaqələrinin təhlükəsizliyindən narahatdır.
Havar Şəfiyeva
Son şərhlər