Rusiyanın işğal etdiyi 4 bölgədəki təhlükəsizlik bölmələrinə müraciət edən Rusiya Prezidenti Vladimir Putin bəzi açıqlamalar verib.
Elchi.az Milliyet.com.tr-yə istinadən müraciəti təqdim edir:
“Donetsk və Luqansk Xalq Respublikaları, Xerson və Zaporojye bölgələrində vəziyyət son dərəcə ağırdır. Amma orada yaşayan Rusiya vətəndaşları sizin müdafiənizə ümid bəsləyirlər. Onların orada təhlükəsizliyini təmin etmək, hüquq və azadlıqlarını maksimum dərəcədə qorumaq üçün hər şeyi etmək sizin borcunuzdur. Biz yeni bölmələri müasir texnika və silahlarla, peşəkar komandalarla gücləndirməyə davam edəcəyik”.
Rusiya ərazisi və sərhədlərindəki təhdidlərə də toxunan Putin bildirib ki, dövlət sərhədi ölkənin təhlükəsizliyinin təmin edilməsi üçün ən mühüm və əsas sərhəddir.
FSB nəzarəti artıracaq
Putin təhlükəsizlik bölmələrinin sərhəddəki hücumlarda dərhal sərhəd təhlükəsizliyini təmin etməli olduğunu desə də, Federal Təhlükəsizlik Xidmətinə (FSB) Rusiya cəmiyyətinə və sərhədlərinə daxildə və xaricdəki satqınlara qarşı nəzarəti gücləndirməyi tapşırıb. Putin həmçinin FSB-yə cəmiyyət üzərində nəzarəti gücləndirmək üçün əməliyyat, texniki və kadr potensialından maksimum istifadə etməyi tapşırıb.
Digər tərəfdən, Putin Kreml Sarayında təşkil edilən dövlət mükafatları mərasimindəki çıxışında Rusiya yenidən bir sınaq qarşısındadır deyib. Kremldə keçirilən mükafatlandırma mərasimində Rusiyanın işğalı altında olan Donetsk və Luqansk vilayətlərinin rəhbərlərinə “Xidmətlərə görə” ordeni verilib.
Yeganə