“Putin Ukrayna ərazilərini ilhaq edən şou düzəltməklə daxili auditoriyada öz nüfuzunu saxlamağa və daxildə yaranmış qeyri-müəyyən durumu sakitləşdirməyə yönəlik addım atdı”.
Bu fikirləri Elchi.az-a açıqlamasında BAXCP sədrinin müşaviri, politoloq Azər Qasımov FB hesabında bildirib:
“Çıxışında başdan sona kimi yalan və ziddiyətli fikirlər söyləməklə, Rusiya daxili auditoriyanın təfəkkür səviyyəsinə bəlli olduğu üçün onların beyinlərinə böyük yalanlar pompalamaqla məşğul oldu.
Putin yaxşı bilir ki, o, məğlub ola bilməz. Məğlubiyyət onun sonu olacaq, odur ki, sanki qələbə qazanmış kimi görüntü yaratmaqla öz ömrünü bir az uzatmağa çalışır.
Müharibənin nəticələri göz önündədir. Yeddi ayda bir dənə də qələbə qazana bilməyən Putinin ordusu irəliləmək əvəzinə geri çəkilməklə məşğuldur.
Həmin dörd vilayəti döyüşsüz ələ keçirən rus ordusu bir-iki qəsəbə və ya şəhər üzərində minlərlə itki vermişdilər, bura Melitopol, Lisiçansk, Severodonetsk şəhərləri və s. aiddir ki, həmin vilayətlərin hələ bir çox əraziləri Ukraynanın əlindədir. Donetskin Liman şəhəri artıq mühasirədədir, minlərlə əsgərin məhv olmaq təhlükəsi yaranıb və tezliklə təslim olacaqlar.
Rusiya kənarında isə hər kəs reallığı görür, Putinin ağılsızlıqlarını qəbul etmir. Putin tək o səbəbə görə nüvə silahı tətbiq edə bilməz ki, bu, onun məğlubiyyətini sübut etmiş olar. Putin əgər qalib gəlirsə, bu məntiqlə Rusiyanın təhlükəsizliyinə təhlükəli məqam yoxdursa, niyə nüvə silahı işlədilsin? Putinin öz yalanlarının qurbanına çevrilməsi onun öz addımlarının nəticəsi olacaq. Qərb və Ukrayna sadəcə buna kömək edir”.
Yeganə
Son şərhlər