Prezident Rəcəb Tayyib Ərdoğan Birləşmiş Millətlər Təşkilatının Baş Assambleyasında iştirak etdiyi ABŞ-da Gürcüstanın baş naziri İrakli Qaribaşvilini qəbul edib.
Elchi.az xəbər verir ki, bu barədə Türk mediası məlumat yayıb.
Türk Evində keçirilən ziyafətdə prezident Ərdoğan əsrin fəlakətindən sonra Gürcüstanın dəstəyinə görə bir daha minnətdarlığını bildirib. O, iki ölkə arasında ticarət dövriyyəsinin 3 milyard dollardan 5 milyard dollara qədər yenidən nəzərdən keçirilə biləcəyini deyib.
Orta dəhlizin reallaşmasının vacibliyindən danışan prezident Ərdoğan Bakı-Tbilisi-Qars dəmir yolunun tezliklə işə salınmasının gözlənildiyini bildirib.
Prezident Ərdoğan Gürcüstandakı FETÖ məktəblərinin bağlanmasının və mal varlığının dondurulmasının vacib olduğunu ifadə edərək, Gürcüstan rəhbərliyinin bununla bağlı atdığı addımları təbrik edib.
Digər tərəfdən prezident Ərdoğan sosial media hesabında sözügedən görüşlə bağlı paylaşım edib.
Ərdoğan paylaşımında “BMT-nin 78-ci Baş Assambleyasında təmaslarımız çərçivəsində qonşumuz Gürcüstanın baş naziri İrakli Qaribaşvili ilə Türkevidə görüşdük. Görüşlərimiz ölkələrimiz üçün xeyirli olsun” – deyib.
Elon Musk Türk Evində
Kosmik nəqliyyat şirkəti SpaceX-in qurucusu və icraçı direktoru Elon Musk Birləşmiş Millətlər Təşkilatının (BMT) Baş Assambleyası üçün ABŞ-da səfərdə olan prezident Rəcəb Tayyib Ərdoğan ilə görüşmək üçün Nyu Yorkdakı Türkeviyə gəlib.
Prezident Ərdoğanın yaxın dəqiqələrdə Musku qəbul edəcəyi gözlənilir.
Nuranə Məmmədova
Son şərhlər