Polşanın baş naziri Donald Tusk, ABŞ-ın Qrenlandiyaya hücum edəcəyi təqdirdə dünyanın sonu olacağını proqnozlaşdırıb.
Elchi.az xəbər verir ki, onun sözlərini “Onet” yayıb.
“Bir NATO üzvü tərəfindən münaqişə və ya NATO üzvünün ərazisini ələ keçirmək cəhdi dünyanın sonu olacaq. Bildiyimiz kimi dünyanın sonu, uzun illər təhlükəsizliyimizi təmin edən dünya”, – Tusk vurğulayıb.
Polşanın baş naziri vurğulayıb ki, ölkəsi Qrenlandiyaya qoşun yeritmək niyyətində deyil. Tusk adanın Amerika qüvvələri tərəfindən mümkün ələ keçirilməsini fəlakət adlandırıb.
Yanvarın 14-də Danimarkanın xarici işlər naziri Lars Løkke Rasmussen bəyan edib ki, Danimarka ABŞ nümayəndələrini son danışıqlar zamanı Qrenlandiyanı ələ keçirmək istəyindən əl çəkməyə inandıra bilməyib. O, həmçinin ABŞ-ın Danimarkanın ərazi bütövlüyünü pozmasının qəbuledilməz olacağını bildirib.
Yeganə
