Polşada may ayında dayandırılmış 5 min nəfərlik ABŞ hərbçisinin rotasiyası yaxın həftələrdə bərpa olunacaq.
Elchi.az xəbər verir ki, bu barədə jurnalistlərə Polşanın müdafiə naziri Vladislav Kosinyak-Kamış məlumat verib.
“ABŞ-ın Polşadakı səfirinin müavini xanımdan və ABŞ-ın Polşadakı hərbi attaşesindən bir neçə həftə əvvəl dayandırılmış rotasiyanın bərpa olunması barədə məlumatı məmnuniyyətlə aldım. Bu proses davam edəcək və yaxın həftələrdə Polşadakı Amerika qoşunlarının rotasiyası həyata keçiriləcək”, — deyə Kosinyak-Kamış bəyan edib. Onun çıxışı Polşa hökumətinin sosial şəbəkələrdəki səhifələrində canlı yayımlanıb.
Hazırda Polşada, əsasən rotasiya qaydasında, 10 minə yaxın ABŞ hərbçisi tapılır. Mayın 19-da ABŞ ordusunun ictimaiyyətlə əlaqələr üzrə nazir köməkçisi Şon Parnell Polşadakı Amerika qüvvələrinin rotasiyasında gecikmə olacağını elan etmişdi. Daha sonra isə Amerika Birləşmiş Ştatlarının Prezidenti Donald Tramp, kampaniyasını dəstəklədiyi “Polşanın hazırkı prezidenti Karol Navrotskinin uğurla yenidən seçilməsini nəzərə alaraq”, ABŞ-ın Polşaya əlavə 5 min hərbçi göndərəcəyini bəyan etmişdi. Bununla belə, amerikalı lider ABŞ Silahlı Qüvvələrinin məhz hansı bölmələrinin Polşaya gedəcəyini, onların Avropanın digər ölkələrindən göndərilib-göndərilməyəcəyini və bu bərpanın məhz rotasiya çərçivəsində qoşunların köçürülməsi mənasına gəlib-gəlmədiyini dəqiqləşdirməmişdi.
Məryəm
