“Hələ Sovet vaxtından məlumdur ki, yerli ermənilər Xankəndi və ətrafdakı Qarabağ ermənilərini “qanı qarışmışlar” adlandırırdılar. Tarix elminə müraciət etsək, buna səbəb kimi bir – birindən fərqli olan Qafqaz Albaniyasındakı xristianlaşmış xalqlar, ərmənilər və haylar arasındakı genetik müxtəliflikdə tapa bilərik”.
Elchi.az-ın məlumatına görə, bu fikirləri politoloq Zaur Məmmədov Feysbuk hesabında qeyd edib:
“Hazırda da, Ermənistanda ciddi şəkildə yerli və Qarabağ erməniləri arasında münaqişə mövcuddur. Hətta iş o yerə çatıb ki, İrəvan və qonşuluqda yaşayan ermənilər Qarabağdan köçən qaçqınları qəbul etmək istəmir. Bununla bağlı gəlmələrin erməni mediasına bir çox müsahibələri mövcuddur.
Bugünlərdə “Gallup” sorğu mərkəzinin keçirtdiyi sorğuya görə, Ermənistandan Qarabağa müharibədən sonra səfər edənlərin sayı azalmışdır. Müharibəyə qədər 56% respondent Qarabağa səfər etməsini qeyd etmişlər. Müharibədən sonra cəmi 12% respondent Qarabağa səfər etməsini qeyd etmişdir. Həmin 12 % isə Qarabağ erməniləri və bəzi aktivistlər daxildirlər.
Digər tərəfdən “Gallup” şirkətinin keçirtdiyi sorğuya görə, Ermənistanda seçkilər yaxın bazar günü keçirilsə 16% respondent Paşinyanın “Vətəndaş müqaviləsi” partiyasına, 5.1% “Ermənistan” blokuna, 2.7% “Şərəfim var” blokuna səs verməyə hazırdır. 33% seçkilərdə iştirak etməyəcəyini bildirmişdir. Müqayisə üçün Paşinyanın partiyasına bir il əvvəl 24% respondent səs verməyə hazır idi.
Sorğu Paşinyanın 2018 ci ildən bu yana ilk dəfə bu qədər az faizə malik olduğunu göstərir. Hətta müharibədən sonra, 2021- ci ilin yanvar və fevral aylarında ona səs verməyə hazır olanların faiz nisbəti təxmini 30%-34% arasında dəyişirdi. Əvəzində Koçaryana səs verməyə hazır olanların faizi təxmini 22% civarında dəyişirdi. Ermənistanda müxalifətin “torpaqlar əldən gedir, Ermənistan dövləti süquta uğrayır” bəyanatları da seçicilərə təsir etməmiş, nəticədə, hazırda Sarkisyan- Koçartan- Saqatelyana üst – üstdə 10 % dən daha az vətəndaş səs vermək fikrindədir.
33 % isə seçkilərdə iştirak etmək fikrində deyil. Qeyd edilməlidir ki, bu rəqəm 5 ildir ki dəyişilməz qalır. 30- 35 % Ermənistan sakinləri sabit olaraq siyasi absentizmə malikdirlər”.
Z.Məmmədovun sözlərinə görə, Ermənistanın düşdüyü hazırki vəziyyətdə insanların siyasi proseslərdə marağının olmaması – depressiya, siyasətçilərə etibarsızlıqları ilə bağlıdır:
“Mövcud hadisələr fonunda orduya çağırış islahatına görə Ermənistan vətəndaşları 60 min dollar pul verməklə cəmi 4 ay hərbi xidmət keçməklə hərbi mükəlləfiyyəti yerinə yetirə bilər. Müxalifət bu layihəni kəskin tənqid etsə də, aydın məsələdir ki, bu gün heç bir erməni Qarabağda azərbaycanlıya qarşı vuruşmağa curət sahibinə malik deyil.
Beləliklə, sorğular Ermənistanda milli ruhun tənəzzülə uğradığını, yerli ermənilərin Qarabağ ermənilərinin problemləri ilə maraqlanmadığını, özlərini hayların qəhramanları sayan terrorçu Robert və Serjin ictimaiyyətdə zərrə qədər imicə malik olmadıqlarını göstərir”.
Yeganə