Polisə rüşvət verən azərbaycanlı tutuldu

Rusiyada polisə rüşvət verməkdə ittiham edilən azərbaycanlı şəxs tutulub. ANS PRESS-in məlumatına görə hadisə Vladivastokda baş verib.

Rüşvət verməyə cəhd edən şəxs biznesmen olub. O, cinayət başında saxlanılıb.

Adı açıqlanmayan azərbaycanlının Vladivostok ərazisində qanunsuz spirtli içki satışı ilə məşğul olduğu müəyyən edilib.

Ona bu barədə məlumat verəndə isə kişi polisi "danışıq" üçün avtomobilinə dəvət edib.

Azərbaycanlı ona qarşı iş açılmaması və mallarının müsadirə edilməməsi üçün polisin cibinə 4 min rubl salmağa çalışıb.

İndi o rüşvət verməyə cəhdə görə daha çox xərcə düşəcək. Məhkəmə qərarı ilə 120 min cərimə təyin edilib.