Rusiya Prezidentinin mətbuat katibi Dmitri Peskov bildirib ki, Moskva ABŞ Prezidenti Donald Trampın Ukraynanın Rusiya ərazisinə endirdiyi zərbələrlə bağlı açıqlamalarını gərginliyin artması siqnalı kimi deyil, Ağ Ev administrasiyasının yanlış təsəvvürlərinin nəticəsi kimi qəbul edir.
Elchi.az xəbər verir ki, Kreml sözçüsünün sözlərinə görə, Vaşinqton hərbi təzyiqin artırılmasının tərəfləri sülh yolu ilə həll yoluna sövq edə biləcəyinə inanmaqda səhv edir.
Peskov vurğulayıb ki, bu cür məntiq qüsurludur və real vəziyyəti əks etdirmir. Tramp əvvəllər Ukraynanın Rusiyanın enerji obyektlərinə zərbələrini təsdiqlədiyini bildirmiş və bunu münaqişənin sona çatmasına səbəb ola biləcək eskalasiya adlandırmışdı.
Bununla belə, Moskvada hesab edirlər ki, belə bir yanaşma gərginliyi yalnız daha da artırır.
Yeganə
