Çinin paytaxtı Pekində Rusiya prezidenti Putin və Koreya Xalq Demokratik Respublikasının lideri Kim arasında ikitərəfli görüş keçirilib.
Elchi.az xəbər verir ki, Rusiya Prezidenti Vladimir Putin və Koreya Xalq Demokratik Respublikasının lideri Kim Çen In Çinin paytaxtı Pekində İkinci Dünya Müharibəsinin başa çatmasının 80-ci ildönümü münasibətilə keçirilən bayram tədbirlərindən sonra görüşüblər.
Pekində keçirilən bayram tədbirləri çərçivəsində Kim Çen Inla ayrıca görüş keçirmək fürsətindən məmnunluğunu ifadə edən Putin, iki ölkə arasında münasibətlərin xüsusi xarakter daşıdığını vurğulayıb və deyib:
“Son vaxtlar ölkələrimiz arasında münasibətlər etimad, dostluq və müttəfiqlik ruhu almışdır”.
Həmkarı Kim Çen Inın Pekində keçirilən bayram tədbirlərinə qatıldığına diqqət çəkən Putin, “Bütün tədbirlərin möhtəşəm, çox yaxşı və yüksək səviyyədə keçirildiyini qeyd etmək istərdim” – deyib.
Putin Rusiya ilə Koreya Xalq Demokratik Respublikası arasında hərbi əməkdaşlığın ən yüksək səviyyədə olduğunu vurğulayaraq, Kursk vilayətinin düşmən qüvvələrindən azad edilməsi əməliyyatında Koreya Xalq Demokratik Respublikası əsgərlərinin oynadığı rola işarə edib və əsgərlərin qəhrəmancasına döyüşdüyünü vurğulayıb.
“Rusiyaya yardım bizim qardaş borcumuzdur”
Koreya Xalq Demokratik Respublikasının lideri Kim Çen In rusiyalı həmkarı ilə ikitərəfli görüşü zamanı “Rusiyaya kömək etmək üçün əlimizdən nə gəlirsə, bunu mütləq edəcəyik və bunu qardaşlıq borcumuz kimi görürük. Rusiyaya kömək etmək üçün əlimizdən gələni edəcəyik” deyib.
Nuranə Məmmədova
Son şərhlər