“Le Figaro” müsəlmanlardan üzr istəməli oldu
“The Associated Press” agentliyinin Parisdən verdiyi xəbərdə deyilir ki, Fransada yaşayan bir qrup müsəlman bir araya gələrək İŞİD üzvlərinin islam adından törətdiyi vəhşiliklərə qəti etiraz etdiklərini bildiriblər. Onlar bəyan ediblər ki, terrorçuların islam adından danışmağa heç bir haqqı yoxdur.
İŞİD terror qruplaşması Əlcəzairdə saxlanılan Fransa vətəndaşı alpinist Herve Pierre Gurdeli edam etməsi bu ölkədə yaşayan müsəlmanların qəzəbinə səbəb olub.
Fransanın ən böyük məscidinin Bordeauksun rəhbəri Tariq Oubrou müsəlmanları cənab Gurdelin qətlinə etiraz etməyə çağırmışdı. O, bəyan etmişdi ki, İŞİD-ın ölüm saçan ideologiyasının İslamla heç bir əlaqəsi yoxdur.
“Biz müsəlmanlar bu edama mütləq etiraz etməliyik. Çünki onlar bu edamı bizim dinimizin adından həyata keçirdiklərin bəyan ediblər”, məscidin rəhbəri deyib.
“”Quranda heç bir yerdə deyilmir ki, başqa dinlərdən və ya millətlərdən olan insanlara hücum etmək lazımdır. İnsan başı kəsmək nifrətə layiq əməldir. Əgər hava zərbələri bu fundamentalistləri durdura biləcəksə, onların aqressiv ideyalarının önünü kəsəcəksə, mən bu hücumları dəstəkləyirəm”, etiraz aksiyası zamanı 65 yaşlı Enes Mustafik deyib.
Agentlik bildirir ki, Fransanın “Le Figaro” qəzeti belə bir sual ortaya atıb ki, Fransada yaşayan müsəlmanlar Herve Pierre Gurdelin qətli ilə əlaqəli gərəkən səviyyədə etiraz ediblərmi. Bu sual müsılmanlar arasında kəskin narazılıqla qarşılanıb. Onlar bildiriblər ki, islam dininin fundament alistlərlə eyniləşdirilməsi yolverilməzdir. Kəskin etirazlardan sonra qəzet o qədər də etik səslənməyən sualına görə üzr istəməli olub.
Agentlik bildirir ki, 500 nəfərə yaxın müsəlman Parisdə bir araya gələrək bəyan ediblər ki, İŞİD müsəlmanların adından danışmaq haqqına sahib deyil.
Son şərhlər