“Reuters”in xəbərində deyilir ki, İŞİD-ın nəşr etdirdiyi jurnal Parisdə terror aktı törətmiş Amedy Coulibalinin dul qalmış xanımından müsahibə götürüb. Bununla da terrorçular bildiriblər ki, Hayat Boumeddiene hazırda İŞİD-ın nəzarət etdiyi ərazidə yaşayır.
Fransa polisi bildirirdi ki, Parisdəki terror aktında o da iştirak edib. Hayat Boumeddiene silahlı və təhlükəlidir.
Türkiyə polisi isə bildirmişdi ki, Hayat Boumeddiene bu ölkənin ərazisini Paris olaylarından 5 gün əvvəl tərk edib və yanvarın 8-də Suriyaya yollanıb.
Çərşənbə günü İŞİD-ın online jurnalı “Dar al-Islam“ın fransızdilli bölümündə gedən müsahibədə nə foto, nə də video material yerləşdirilməyib.
Müsahibədə Hayat Boumeddiene “xilafətin ərazisinə keçmək çətin olmadı ki…“ sualına cavab olaraq, deyib: “Allahın qanunları ilə yaşayan ölkədə ömür sürmək çox gözəldir. Mən bu ölkəyə daxil olmaqda heç bir çətinlik çəkmədim”.
Hayat Boumeddiene bildirib ki, onun əri İŞİD-ə dəstək verənlərdən biri idi. Və o, Parisdə təşkil etdiyi hücumu İŞİD adından törətmişdi.
Fransa mediası yazır ki, Hayat Boumeddiene ailədə 7 uşaqdan biri olub. O, anasını kiçik yaşlarında itirib.
Onun atası uşaqları saxlamaq üçün bütün günü çalışıb. Hayat Boumeddiene yeniyetmə olarkən bir müddət kassada işləyib.
Sonra o, öz iş yerini itirib. İşsiz qaldıqdan sonra isə o, İslamı qəbul edib və müsəlman qadınlar kimi üzünü bağlayıb.
Son şərhlər