Macarıstanın baş naziri Viktor Orban ölkəsinin korrupsiya səbəbilə Ukraynaya maliyyə vəsaiti göndərməyəcəyini bildirib.
Elchi.az xəbər verir ki, bu barədə o, “X” sosial şəbəkəsində paylaşım edib.
“Biz Ukraynaya pul göndərməyəcəyik — qoy bu vəsait ukraynalı oliqarxın hamamında yox, macar ailələrinin yanında qalsın”, — deyə Orban yazıb.
Siyasətçi həmçinin Rusiyadan neft və qaz idxalına qadağa qoyulmasına imkan verməyəcəyini bildirib. Onun sözlərinə görə, bu addım olmadan kommunal xərclərin azaldılması və macar ailələri üçün əlçatan enerjinin təmin edilməsi mümkün deyil.
Bundan əlavə, Orban Ukraynanın iki il ərzində Avropa İttifaqına (Aİ) qəbul olunmasına qarşı çıxıb. Onun fikrincə, bu, Aİ qanunlarının pozulması deməkdir.
Məryəm
