Ötən gün ABŞ prezidenti Barak Obama Ağ Evdə ənənəvi iftar süfrəsi təşkil edib. SİA-nın Ağ evin saytına istinadən verdiyi xəbərə görə, iftar süfrəsində müsəlman icmalarının nümayəndələri, müsəlman ölkələrinin diplomatik nümayəndəlikləri və digərləri iştirak ediblər.
Mərasimdə çıxış edən ABŞ prezidenti Qəzza zolağı və İsraildə baş verənlərlə əlaqədar fikirlərini bildirib.
Onun sözlərinə görə, Qəzza və İsraildə ürək parçalayan hadisələr baş verir: “Amerika baş verənlərə görə təəssüf hissi keçirir. Yaxın Şərqdə baş verənlərlə bağlı ABŞ-da fikirlər müxtəlifdir”.
Obama həmçinin bildirib ki, ABŞ Misir hakimiyyətinin İsrail və Fələstin arasında atəşkəsin təmin olunması üçün göstərdiyi fəaliyyəti dəstəkləyir.
Nailə İbrahimqızı