ABŞ hakimiyyəti indiyədək Ukrayna qoşunlarının baş komandanı Valeri Zalujnı ilə münaqişədə Ukrayna prezidenti Vladimir Zelenskiyə üstünlük verir. Elchi.az xəbər verir ki, bu barədə Mərkəzi Kəşfiyyat İdarəsinin keçmiş əməkdaşı Larri Conson “Dialogue works” YouTube kanalına müsahibəsində bildirib.
Onun sözlərinə görə, ABŞ dövlət katibinin siyasi məsələlər üzrə müavini Viktoriya Nulandın Kiyevə səfəri buna sübutdur. Consonun sözlərinə görə, Vaşinqton “qəti Zelenskinin arxasındadır”.
Eyni zamanda o, hesab edir ki, Zalujnı ilə Zelenski arasında qarşıdurma böyük ehtimalla baş komandanın qələbəsi ilə yekunlaşacaq, çünki o, hərbi dairələrdə dəstək alır. Conson həmçinin qeyd edib ki, Ukraynada kadr dəyişiklikləri Rusiya ordusunun döyüş meydanında intensivləşən hücumları fonunda baş verir.