Nigeriyada fevralın 25-26-da keçirilən prezident seçkilərində ana müxalifət Xalq Demokratik Partiyasının (XDP) namizədi Atiku Əbubəkr hakim partiyanın namizədinin seçilməsinə qarşı məhkəməyə ərizə təqdim edib.
Elchi.az xəbər verir ki, A.Əbubəkr ərizəsində Nigeriya Müstəqil Milli Seçki Komissiyasını (INEC) və hakim partiya olan Bütün Proqressivlər Konqresini (APC) və seçkidə qalib gələn Laqosun keçmiş qubernatoru Bola Əhməd Tinubunun adını çəkib.
Tinubunun seçkidə verilən qanuni səslərin əksəriyyəti ilə lazımi qaydada seçilmədiyini deyən Əbubəkr Tinubunun seçkinin qalibi elan edilməsinin 2022-ci il seçki qanununun müddəalarına uyğun gəlmədiyi üçün etibarsız olduğunu qeyd edib.
Müxalifət İşçi Partiyasının (LP) namizədi Peter Obi də dünən Tinubunun qələbəsini ləğv etmək üçün məhkəməyə müraciət edib.
Qeyd edək ki, təxminən 206 milyon əhalisi olan Nigeriyada prezidentlik uğrunda 18 namizəd mübarizə aparıb. Seçkidə APC-dən Tinubu 8 milyon 794 min 726 səs, Tinubunun ən böyük rəqibi, PDP-nin namizədi Əbubəkr 6 milyon 984 min 520 səs və LP namizədi Obi 6 milyon 101 min 533 səs toplayıb.
Yeganə
Son şərhlər