Dünən Nigeriyanın şimal-şərqindəki Borno əyalətində məsciddə baş verən intihar hücumunda 5 nəfər ölüb, 35 nəfər yaralanıb.
Elchi.az xəbər verir ki, Borno Ştat Polisinin sözçüsü Nahum Daso yerli qəzetə verdiyi açıqlamada dünən ştatın Qambaru bölgəsindəki mərkəzi məsciddə axşam namazı üçün toplaşan dindarları hədəf alan intihar hücumunda ölən və yaralananların sayını açıqlayıb.
Daso 5 nəfərin öldüyünü, 35 nəfərin yaralandığını bildirib.
Daso yaralıların yerli xəstəxanada müalicə aldığını və hadisə ilə bağlı araşdırma başlandığını bildirib.
Hücumun məsuliyyətini hələlik heç kim öz üzərinə götürməyib.
Boko Haram terror təşkilatı bölgədə tez-tez oxşar hücumlar həyata keçirir.
Məryəm
