Nigeriyanın şimal-şərqindəki Borno əyalətində Boko Haram terror qruplaşmasının hücumu nəticəsində ölənlərin sayı 18-ə çatıb.
Elchi.az xəbər verir ki, milli medianın məlumatına görə, Kaqa Regional Prezidenti Zannah Lawan Ajimi dünən Borno əyalətinin Benisheikh bölgəsində Boko Haram üzvlərinin əsgərlərə hücumu ilə bağlı məlumat paylaşıb.
Ajimi hücumda ölən əsgərlərin sayının 18-ə çatdığını bildirib.
Bu arada, Nigeriya Prezidenti Bola Əhməd Tinubu hücumu pisləyib və hökumətin ölkədə terrorizmlə mübarizə aparmaq əzmində olduğunu bildirib.
Dünən əsgərlərə edilən hücumda briqada generalı O.O. Braimah da daxil olmaqla 10 əsgər öldürülüb, bir çoxu yaralanıb.
2000-ci illərin əvvəllərindən Nigeriyada fəaliyyət göstərən Boko Haram, 2009-cu ildən bəri kütləvi terror aktlarında on minlərlə insanın ölümünə səbəb olub.
Şayəstə
