Nigeriya hökuməti elan etdi ki, təxminən 161 milyon nigeriyalı ölkədə qida çatışmazlığından əziyyət çəkir.
Elchi.az xəbər verir ki, Kənd Təsərrüfatı və Qida Təhlükəsizliyi Nazirliyinin Qida Təhlükəsizliyi və Qidalanma Departamentinin direktoru Alhaji Nuhu Kilishi paytaxt Abucada keçirilən “Qida və Qida Təhlükəsizliyi Böhranına Hazırlıq Planı (FNSCPP)” məşvərət toplantısında çıxış edib.
Kilishi ölkədə təqribən 161 milyon nigeriyalının qida təminatından məhrum olduğunu və hökumətin bu problemlə mübarizə üçün tədbirlər görməyə başladığını bildirib.
Alhaji Nuhu Kilishi vurğuladı ki, Dünya Bankı tərəfindən dəstəklənən “Nigeriyada Qidalanma Nəticələrinin Sürətləndirilməsi (ANRiN)” layihəsinin bir hissəsi olaraq hazırlanan plan həssas əhali üçün davamlı və keyfiyyətli qidalanma xidmətlərini artırmaq məqsədi daşıyır. Kilishi, ölkədə 2014-cü ildə yüzdə 35 olan orta və şiddətli ərzaq təhlükəsizliyi nisbətinin son illərdə təxminən 74 faizə yüksəldiyini qeyd edərək, Nigeriyalıların yalnız yüzdə 20-nin qida ilə təmin olunduğunu qeyd etdi.
“İnsanlar növbəti yeməklərindən əmin deyillər. Bu ciddi bir vəziyyətdir” deyən Kilişi artan etibarsızlıq, silahlı hücumlar, adam oğurluğu və iqtisadi çətinliklərin kənd təsərrüfatı istehsalına mənfi təsir etdiyini vurğulayır.
Kilishi qeyd edib ki, böhrana cavab tədbirləri çərçivəsində 774 yerli özünüidarə bölməsində ev bağçılıq üçün toxum və vəsait paylanacaq.
Şayəstə Hüseynova
