İndi respublikanın himninin tərkibində müstəmləkəçilik əleyhinə mübarizədən bəhs edən misra var.
Elchi.az xəbər verir ki, Niger parlamenti “Vətən adına” adlı yeni dövlət himnini təsdiqləyib. Orada, əvvəlkindən fərqli olaraq, çoxlarının fikrincə, Fransaya ünvanlanan azadlıq üçün təşəkkür sətirləri yoxdur.
SABC televiziya və radio şirkətinin məlumatına görə, yeni himn 1961-ci ildə fransız bəstəkarı Moris Albert Tiryenin yazdığı himni əvəz etmək üçün təsdiq edilib. Sonuncuda Niger xalqının qürur duyduğu və “yeni azadlıq” üçün minnətdar olduğu sətirləri var idi. Onların o dövrdə müstəmləkə ölkəsi olan Fransaya ünvanlandığı güman edilirdi.
İndi Afrika Respublikasının himnində belə bir misra yoxdur. Amma müstəmləkəçilik əleyhinə mübarizə ilə bağlı sətirlər var.
Şayəstə Hüseynova