Niderlandın Utrext şəhərində baş verən partlayış bir neçə binada yanğına səbəb olub və ən azı dörd nəfər yaralanıb.
Elchi.az xəbər verir ki, Niderlandın yerli mətbuatında yer alan xəbərlərə görə, partlayış binalarda yanğına səbəb olub.
Bu vaxt partlayış bölgəsində təcili yardım xəstəxanası yaradılıb və vətəndaşlardan ərazidən uzaq durmaları xahiş olunub.
Partlayışın qaz sızmasından qaynaqlandığı müəyyən edilib.
Utrext meri Şeron Dijksma “Şəhərimizin mərkəzində çox pis bir hadisə ilə qarşılaşdıq” deyib və partlayışdan sonra yanğın baş verdiyini bildirib.
Dijksma hadisə yerinə çox sayda işçi ilə təcili yardım qruplarının göndərildiyini bildirib və əlavə edib ki, “Qaz sızması olub. Bizim prioritetimiz sızmanı nəzarətdə saxlamaq idi. Biz buna nail olduq. Hazırda yanğınsöndürmə işlərini tamamlayırıq”. Dijksma hadisədən dörd nəfərin zərər çəkdiyini və ağır yaralıların olmadığını bildirib.
O, həmçinin itkin düşmüş şəxslər barədə məlumat verilmədiyini və dağıntılar altında heç kimin qalmamasını təmin etmək üçün axtarış işlərinin davam etdirildiyini bildirib.
Dijksma bildirib ki, “Zərər çox böyükdür. Bir neçə binaya ciddi ziyan dəyib və bəziləri uçub”.
O əlavə edib ki, ərazidə təhlükəsizlik dəhlizi yaradılıb, bəzi evlərə qaz və elektrik enerjisi bağlantısı kəsilib və evlərinə qayıda bilməyənlər üçün yaşayış yeri təmin edilib.
Şayəstə
