İsrailin baş naziri Benyamin Netanyahu Amerikanın “The New York Times” (NYT) qəzetini fələstinlilərlə bağlı yazısına görə məhkəməyə vermək qərarına gəlib.
Elchi.az xəbər verir ki, bu barədə İsrail baş nazirinin ofisinin saytında məlumat verilib.
“Netanyahu və xarici işlər naziri Gideon Sa’ar New York Times qəzetinə qarşı indiyə qədər dərc edilmiş ən dəhşətli və təhrif edilmiş yalanlardan birini dərc etdiyinə görə məhkəməyə verilməsi barədə göstəriş veriblər”, – məlumatda qeyd edilib.
Ofis sözügedən məqalənin NYT jurnalisti Nikolas Kristofun olduğunu vurğuladı.
Onun son məqaləsi mayın 11-də dərc olunub: “Fələstinlilərin zorlanmasına cavab verən sükut” adlı köşə yazısında Kristof İsraildə fələstinli məhbusların sistematik cinsi istismarını təfərrüatlandırır”,-ofisdən bildirilib.
O, iddia edir ki, 14 fələstinli kişi və qadın ona əsgərlər, həbsxana mühafizəçiləri, təhlükəsizlik qüvvələri və məskunlaşanlar tərəfindən cinsi işgəncələr törətdiklərini deyiblər. Onun sözlərinə görə, bu ifadələrin bəziləri qohumlar, vəkillər və digər şahidlər tərəfindən təsdiqlənir.
Yeganə
