“Neft, dəmiryolu, informasiya, kommunikasiya texnologiyaları və digər sahələrdə əməkdaşlıq potensialı var”.
Elchi.az xəbər verir ki, bu barədə İordaniya Haşimilər Krallığının Baş nazirinin müavini, xarici işlər və xaricdə yaşayan iordaniyalılar naziri Əymən Əs-Səfadin xarici işlər naziri Ceyhun Bayramovla birgə mətbuat konfransında deyib.
Nazir bildirib ki, region böyük dəyişikliklərdən keçir: “Biz də bundan bəhrələnməliyik. Azərbaycan qazı artıq başqa regionlarda bazarlara çıxır, Suriyaya ixrac olunur. Biz o regionda giriş qapısıyıq. Suriya artıq regionda öz yerini tutmalıdır. Növbəti dövr regional əməkdaşlıq dövrü olacaq. Biz inanırıq ki, Azərbaycanın həm yüksəkixtisaslı kadrlarına, sabitliyinə və yerləşdiyi coğrafiyaya görə böyük potensialı var. Biz də bundan bəhrələnə bilərik”.
