Polşanın xarici işlər naziri Sikorski: NATO Ukraynada qeyri-hərbi missiyanın yaradılmasını müzakirə edəcək.
Elchi.az xəbər verir ki, NATO xarici işlər nazirləri Brüsseldə keçiriləcək görüş zamanı Ukrayna ərazisində qeyri-hərbi missiyanın yaradılmasını müzakirə edəcəklər. Bunu Polşa radiosunun efirində Polşanın xarici işlər naziri Radoslav Sikorski deyib.
Onun sözlərinə görə, görüşün mövzusu “Ukrayna, Rusiyanın Ukraynaya neoimperialist işğalı”, alyansda iştirak edən ölkələrin Kiyevə yardımı, habelə respublika ərazisində NATO-nun qeyri-hərbi missiyası haqqında qərar qəbul etmək imkanı.
Sikorski vurğulayıb ki, belə bir missiya Şimali Atlantika Alyansının resurslarından Ukrayna Silahlı Qüvvələrinin əsgərlərinə təlim keçmək, NATO logistikasından və digər ümumi elementlərdən istifadə etmək imkanı verəcək.
“Bu, döyüşən Ukraynaya əhəmiyyətli dəstək ola bilər”, – Polşa Xarici İşlər Nazirliyinin rəhbəri deyir.
Martın 26-da Macarıstanın xarici işlər naziri Peter Szijyarto bildirib ki, NATO üzvü olan ölkələr adından Ukraynaya qoşun yeritmək imkanları ilə bağlı bəyanatlar üçüncü dünya müharibəsi riskini yaxınlaşdırır.
Fevralın sonunda Fransa prezidenti Emmanuel Makron Ukraynaya avropalı əsgərlərin göndərilməsini istisna etməyib.
Daha sonra o, Parisin Ukrayna münaqişəsi ilə bağlı mövqeyinin dəyişdiyini təsdiqləyib. Onun sözlərinə görə, indi respublikaya kömək etmək üçün “qırmızı xətlər, məhdudiyyətlər qalmayıb”.
Şayəstə Hüseynova