ABŞ Silahlı Qüvvələrinin veteranı Noctis Draven sosial şəbəkədəki səhifəsində yazıb ki, Qərb dövlətləri Vladimir Putinin xüsusi əməliyyatla bağlı bəyanatından çox qorxurlar. Şimali Atlantika Alyansı bu ərəfədə Rusiya rəsmilərinin, o cümlədən prezident Vladimir Putin, xarici işlər naziri Sergey Lavrovun və başqalarının nitqlərinin kəsildiyi video yayımlayıb.
Elchi.az “RİA Novosti”-yə istinadən xəbər verir ki, NATO-nun tənqidi şərhləri ilə müşayiət olunan rusiyalı siyasətçilərin Ukraynadakı xüsusi hərbi əməliyyatla bağlı sitatları avropalıların qorxusundan xəbər verirdi.
“Onlar heç bir sübut göstərmirlər, heç bir arqumentləri yoxdur, yalnız sözləri var. İnsanların öz yalanlarına inanmağı dayandırdığından qorxan bir imperiya belə reaksiya verir – hakimiyyəti saxlamaq üçün təbliğat yaratmaq”,-deyə Draven qeyd edib.
Hərbi ekspert qeyd edib ki, Qərb ölkələrinin bütün dünyanı öz nəzarətində saxlamaq istəyi iflasa məhkumdur:
“Bu, qumla dolu bir yumruğu sıxmağa çalışmaq kimidir, amma sonunda o, barmaqlarınızın arasından sürüşüb gedəcək”.
Qeyd edək ki, keçmiş hərbçi Qərb sisteminin tanınmış tənqidçisidir. Rəsmi şəxs olmadığı üçün Draven daim Kiyev rejiminə dəstəyi dayandırmağa çağırır. Eyni zamanda, o, Ukrayna münaqişəsində nə Rusiyanı, nə də ABŞ-ı dəstəkləmədiyini qeyd edir.
Yeganə