NATO, son günlər gərginliyin artdığı Kosovodakı Sülhməramlı Qüvvələrinə (KFOR) əlavə qüvvələr göndərəcəyini açıqlayıb.
Elchi.az xəbər verir ki, NATO-nun Neapoldakı Müttəfiq Birgə Qüvvələr Komandanlığından verilən açıqlamaya görə, əlavə əsgər göndərilməsi qərarı son hadisələr və bu hadisələrdə 30 KFOR əsgərinin yaralanması səbəbindən qəbul edilib.
• Kosovonun şimalında gərginlik davam edir
• Aİ-dən Kosovoya xəbərdarlıq: Biz yeni münaqişəyə tab gətirə bilmərik
Bu çərçivədə Qərbi Balkanlar üçün 7 gün ərzində yerləşdirilməyə hazır olan Operativ Xilasetmə Qüvvələri səfərbər edilib.
Alay böyüklüyündə ehtiyatda olan əsgərlər İtaliyada yerləşir və böhran zamanı və ya artan təhlükə qarşısında, NATO-nun Birgə Qüvvələr Komandanının göstərişi ilə səfərbər olunurlar.
NATO-nun Neapoldakı Müttəfiq Birgə Qüvvələrinin komandanı admiral Stuard Munş bəyan edib ki, Kosovoya əlavə qüvvələrin göndərilməsinə KFOR-un təhlükəsizliyi təmin etmək üçün ehtiyac duyduğu imkanları təmin etmək üçün ehtiyat tədbiri kimi qərar verilib.
“Bütün tərəflər Kosovonun bütün bölgələrində sülhə xələl gətirən hərəkətlərdən çəkinməlidirlər”, – Munş bildirib.
Qeyd olunub ki, NATO-nun Neapoldakı Birləşmiş Qüvvələr Komandanlığı Kosovodakı vəziyyəti yaxından izləyir və KFOR ilə koordinasiyanı davam etdirərək, lazım ola biləcək imkan və qüvvələri təmin edəcək.
Kosovoda 30 KFOR əsgəri yaralanıb
Mayın 26-da Kosovonun şimalında serblərin cəmləşdiyi Zveçan, Zubin Potok və Leposaviç bələdiyyələrində aprelin 23-də keçirilən yerli seçkilərdə qalib gələn alban merlərinin seçilməsinə Kosovo serbləri etiraz ediblər.
Alban merlərini qorumaq üçün bölgəyə göndərilən Kosovo polisi ilə Kosovo serbləri arasında qarşıdurma olub.
Nuranə Məmmədova