Elchi.az xəbər verir ki, Yaponiyanın Vaşinqtondakı səfiri Tomita Koji NATO-nun ölkəsi ilə əməkdaşlığı gücləndirmək üçün Tokioda əlaqə ofisi açmağı planlaşdırdığını açıqlayıb.
Səfir Tomita xidmət etdiyi Vaşinqtonda keçirdiyi mətbuat konfransında bu ay keçiriləcək G7 Zirvə toplantısına və son NATO-Yaponiya münasibətlərinə toxunub.
Yaponiya ilə əməkdaşlığı gücləndirmək üçün NATO-nun paytaxt Tokioda əlaqə bürosu açmağı planlaşdırdığını qeyd edən Tomita bu istiqamətdə çalışdıqlarını bildirib.
Çinin artan nüfuzu, Rusiya-Ukrayna böhranı və Şimali Koreyanın raket təhdidləri qarşısında Tomita xatırladıb ki, G-7 sammitinin mövzusu “qaydalara əsaslanan beynəlxalq nizamı gücləndirmək”dir.
NATO Yaponiyanı tərəfdaş ölkə kimi görür. Kişida Fumio 2022-ci ilin iyununda NATO Liderlər Sammitində iştirak edən “ilk Yaponiya baş naziri” olmaq üçün Madridə gedib.
“Bu, NATO ilə dəyərli tərəfdaşımız Yaponiya arasında tərəfdaşlığı daha da gücləndirmək üçün bir yol olacaq”, – NATO-nun baş katibi Yens Stoltenberq yanvarda Tokioda ikitərəfli münasibətlərin daha güclü olduğuna işarə edərək deyib.
Mayın 19-21-də Yaponiyanın cənub-qərbində yerləşən Xirosima şəhərində “Böyük Yeddilik” liderlərinin sammiti keçiriləcək.
Şayəstə Hüseynova
Son şərhlər