NASA kosmik gəmisi bu ayın əvvəlində SpaceX raketinin Ay səthinə çırpılması zamanı əmələ gələn kraterin görüntülərini çəkib.
Elchi.az xəbər verir ki, Falcon 9 raketinin idarəetmədən çıxmış yuxarı pilləsi 5 avqustda saatda təxminən 8700 kilometr sürətlə Aya çırpılıb.
2025-ci ilin yanvar ayında Aya iki Aya eniş aparatı aparmalı olan təxminən 4,9 tonluq raket parçası toqquşmaya qədər kosmosda qalıb.
NASA, 11 və 12 avqustda Lunar Reconnaissance Orbiter tərəfindən çəkilmiş yeni görüntüləri yayımlayıb. Zərbə sahəsinin əvvəl və sonrakı görüntüləri Ay səthində əmələ gələn parlaq krateri ortaya çıxarıb.
Altı günlük izləmədən sonra görüntülənib
Zərbə anının canlı görüntüsü olmasa da, tədqiqatçılar raketin trayektoriyasını izləyərək yeni kraterin yerini müəyyən edə biliblər. Kosmik gəminin kraterin üzərindən keçməsi və kameranın düzgün bucaq altında yerləşməsi altı gün çəkib. Görüntülərdə əmələ gələn kraterin təxminən 18 metr enində olduğu göstərilib. Kölgənin uzunluğuna əsasən, alimlər kraterin dərinliyinin 3 metrdən az olduğunu müəyyən ediblər. Fotoşəkillərdə həmçinin kraterdən xaricə yayılan işıqlı və tünd xətlər də göstərilib. Bildirilib ki, tünd xətlər səthdən qaldırılan toz və qayalardan, daha parlaq xətlər isə raketin zərbəsi nəticəsində dərinlikdən atılan təzə materialdan ibarətdir.
Şayəstə
