ABŞ Milli Aeronavtika və Kosmik Tədqiqatlar İdarəsi ( NASA ) avqust ayında UFO müşahidələri ilə bağlı hesabat dərc edəcək.
Elchi.az bu barədə cümə axşamı Argentinaya səfəri zamanı departamentin rəhbəri Bill Nelson bildirib.
O, jurnalistin sualını cavablandırarkən, “NASA rəhbəri kimi, yadplanetlilər mövzusunda çoxlu şübhələr olduğundan, hörmətli alimlərdən ibarət komitə təyin etmək qərarına gəldim. Onlar hazırda işləyirlər və gələn ay hesabat dərc edəcəklər,-deyib.
Çərşənbə günü ABŞ kəşfiyyatının keçmiş rəsmisi Devid Qraş Nümayəndələr Palatasının Nəzarət və Hesabat Komitəsinin dinləmələrində Birləşmiş Ştatların onilliklər ərzində UFO-ları aşkar etmək və öyrənmək üçün proqramı gizlətdiyini söyləyib. Onun sözlərinə görə, Vaşinqton 1930-cu illərdən “yerdənkənar” fəaliyyətin mövcudluğundan xəbərdar olub. Qraş etiraf edib ki, ona UFO-larla işləmək üçün proqramlara giriş qadağan edilib, lakin o, “qeyri-insan” mənşəli uçan obyektlərin mövcudluğundan xəbərdar olan rəsmilərlə şəxsən danışıb.
İlin əvvəlində ABŞ kəşfiyyatı naməlum uçan obyektlərlə bağlı hesabatların sayında artım müşahidə etdiyini bildirdi və onların təhlükəsizlik baxımından ətraflı təhlilinin vacibliyini qeyd etdi.
Nuranə Məmmədova
Son şərhlər