“Azərbaycan Respublikasının cinayət məcəlləsinin 234-cü maddəsinə əsasən Narkotik vasitələri və ya psixotrop maddələri hazırlamaq üçün istifadə edilən və xüsusi
nəzarət altında olan xammalın, alətlərin və ya avadanlıqların, habelə narkotik vasitələrin, bölüşdürülməsi, verilməsi, daşınması, göndərilməsi, əldə edilməsi, istifadə edilməsi, idxalı,
ixracı, tranzit nəql edilməsi və ya məhv edilməsi qaydalarının, bu qaydalara riayət etməli olan şəxs
tərəfindən pozulması —
iki yüz manatdan min manatadək miqdarda cərimə və ya beş ilədək müddətə müəyyən vəzifə tutma
və ya müəyyən fəaliyyətlə məşğul olma hüququndan məhrum edilməklə üç ilədək müddətə azadlıqdan
məhrum etmə ilə cəzalandırılır”.
Bunu Elchi.az-a açıqlamasında Hüquqşünas Ramil Süleymanov deyib.
Onun sözlərinə görə ölkədə narkotik aludəçilərin artmasının səbəbi bu yola çəkilənlərdir:
“Bundan öncəki illər yalnız kişilər, narkotik aludəçisi idisə, son vaxtlar istifadəçilər arasında qadınlar da azlıq təşkil etmir. Əsasən gözəl bədən quruluşu əldə etmək, çəki atmaq və ya daha çox enerjili olmaq üçün narkotik tərkibli xüsusi həblər istifadə olunur. Bu həblər təqdim olunarkən asılılıq yaratmayan vasitələr kimi tərif olunur, lakin az müddət sonra orqanizmdə asılılıq yaradır. Nakomaniyanın qarşısını almaq üçün bu sahədə tədbirlər gücləndirilməli, sərhədlər mükəmməl qorumalıdır. Narkotik vasitələrin çox hissəsi cənub qonşu ölkəmiz olan İrandan gətirilir. Bütün bunları nəzərə alaraq qeyri hökümət təşkilatları müəyyən qurumlarla birgə tədbirlər görüb, hansı vasitələrin narkotik tərkibli olduğunu müəyyən etməlidir. Şahidi oluruq ki, müəyyən dövlət qurumları da bu yöndə fəal tədbirlər həyata keçirir. Bütün hallarda rəsmi və qeyri rəsmi qurumlarla birgə yerli əhali də diqqətli olmalıdır”.
Havar Şəfiyeva
Son şərhlər