“Napoli”nin UEFA Çempionlar Liqasının növbəti turunda “Qarabağ”a qarşı keçirəcəyi oyunda daha 2 futbolçunun iştirak etməyəcəyi bəlli olub.
Elchi.az xəbər verir ki, bu barədə İtaliya mediası məlumat yayıb.
Bildirilib ki, Leonardo Spinazzola, Billi Gilmur zədələrini sağalda bilməyiblər. Onlar bərpa prosesindədirlər və Çempionlar Liqasındakı “Qarabağ” matçına qədər hazır ola bilməyəcəklər.
Qeyd edək ki, həmçinin qapıçı Aleks Meret, yarımmüdafiəçilər Andre Zambo-Anqissa və Kevin De Bruynenin də zədə səbəbindən matçı buraxacaqları məlumdur.
Xatırladaq ki, “Napoli” – “Qarabağ” matçı noyabrın 26-da “Stadio Diego Armando Maradona” stadionunda, saat 00:00-da start götürəcək.
