“Muğanbank” – elektrik enerjisinə qənaət üzrə kreditlər təklif edən ilk bank

Azərbaycanda elektrik enerjisinə qənaət tədbirlərinə investisiyaları stimullaşdırmaq məqsədilə The Green for Growth Fund, Southeast Europe (GGF) “Muğanbank” ASC- yə 5 milyon ABŞ dolları məbləğində birinci dərəcəli kredit ayırıb. Bankdan AzərTAc-a bildirilib ki, bu vəsait banka Azərbaycanın enerjiyə qənaət üzrə xüsusi kreditlər təklif edən ilk maliyyə təşkilatlarından biri olmağa imkan verəcək. “Muğanbank” Azərbaycanda enerji səmərəliliyinin artırılmasını, həmçinin karbon qazı tullantılarının azaldılmasını stimullaşdırmaqda etibarlı tərəfdaşdır. GGF-in investisiyasından əlavə, onun Texniki Yardım Xidməti banka enerji səmərəliliyi üzrə məhsullarla işi qurmaqda və bankın müştərilərinin enerjiyə qənaət tədbirləri ilə bağlı maarifləndirilməsində köməklik göstərəcəkdir.