Kembric Universitetinin alimləri erkək və dişi meyvə milçəklərinin beynindəki bütün sinir hüceyrə əlaqələrini müqayisə edərək genlərin beyni və davranışı necə formalaşdırdığını konkret şəkildə və ilk dəfə olaraq açıqlayıblar.
Elchi.az xəbər verir ki, Kembric Universiteti və Böyük Britaniyadakı Tibbi Tədqiqat Şurasının Molekulyar Biologiya Laboratoriyasından olan tədqiqatçılar erkək meyvə milçəyinin beynindəki bütün 124 milyon sinir hüceyrəsi əlaqəsini xəritələşdiriblər.
İki il əvvəl tamamlanan dişi milçəyin beyninin xəritəsi ilə birlikdə aparılan bu tədqiqat iki cins arasındakı nevroloji fərqləri ən kiçik detalları ilə ortaya qoyub.
Bu inkişafı kainatı daha yaxşı başa düşməyə imkan verən güclü bir teleskopun ixtirası ilə müqayisə edən elm adamları əsas bioloji suallardan birinə cavab tapdıqlarını vurğulayırlar: genlərin beyin quruluşunu və canlı orqanizmlərin davranışını necə diktə etməsi.
Kiçik dövrə fərqləri əsas davranış dəyişikliklərinə səbəb olur
Təhlillər göstərir ki, dişi və erkək milçəklərdə beyin hüceyrələrinin 95 faizi ortaqdır. Lakin dövrədəki qalan 5 faiz fərq davranışda fərqli dəyişikliklərə yol açır.
Erkək milçəklərin cütləşmə zamanı dişiləri təqib etməsinə imkan verən vizual dövrələr, aqressiv döyüş davranışını tənzimləyən əlaqələr və qanad titrəyişinin yaratdığı cütləşmə mahnısını idarə edən nevroloji strukturlar – hamısı bu kiçik fərqdən irəli gəlir. Tədqiqatçılar artıq ilk dəfə olaraq beyindəki iki əsas gen tərəfindən tənzimlənən bu davranışlara hansı fiziki əlaqələrin uyğun gəldiyini müşahidə edə biliblər.
Şayəstə
