Əfsanəvi reper Eminemin naşiri Eight Mile Style, Facebook və Instagram-ın sahibi olan texnoloji nəhəng Meta-nı müəllif hüquqlarını pozduğuna görə məhkəməyə verib.
Elchi.az xəbər verir ki,Miçiqan ştatında açılan məhkəmə iddiasında Eight Mile Style Metanı “lisenziya almadan sənətçilərin yaradıcı əməyindən istifadə edən trilyon dollarlıq şirkətin yeni nümunəsi” kimi təsvir edib.
Şirkət Meta-nın əsərlərini musiqi kitabxanalarına icazəsiz yüklədiyini və istifadəçilərin onları məzmunlarına əlavə etməsinə icazə verdiyini, bunun da müəllif hüquqlarının kütləvi şəkildə pozulmasına səbəb olduğunu iddia edirdi.
İddia ərizəsində bildirilir ki, onun platformalarına inteqrasiya olunmuş Meta musiqi alətləri istifadəçiləri digər videolardan musiqi köçürməyə və onları öz məzmunlarına əlavə etməyə təşviq edib. Şirkətin fikrincə, bu, “şüurlu sistematik pozuntu” deməkdir.
ABŞ-da video platformalar musiqi məzmunundan istifadə üçün naşirlərdən birbaşa lisenziya almalıdırlar. Əvvəllər istifadəçilər proqramdan kənar videolar yükləsələr, internet şirkətləri DMCA (Rəqəmsal Minilliyin Müəllif Hüquqları Aktı) çərçivəsində “təhlükəsiz liman” müdafiəsindən istifadə edə bilərdi. Bununla belə, Meta kimi şirkətlər musiqi kitabxanalarını tətbiqə inteqrasiya etdikdə, bu hüquqi müdafiə artıq tətbiq olunmur, Eight Mile Style Meta-nın bu vəziyyətdən xəbərdar olduğunu və onu qəsdən pozduğunu vurğulayır.
Şayəstə Hüseynova
