Almaniya kansleri Fridrix Merz ABŞ-ın İrandakı müharibəni tez bir zamanda bitirə biləcəyinə inanmadığını bildirərək dedi: “Bütün bir millət (ABŞ) İran rəhbərliyi tərəfindən alçaldılır”.
Elchi.az xəbər verir ki, Kansler Merz Avropa Birliyi Layihə Günü çərçivəsində keçirilən proqram çərçivəsində Şimali Reyn-Vestfaliya əyalətinin Marsberq şəhərindəki Karolus-Maqnus Liseyində şagirdlərlə görüşdü.
ABŞ-ın İrandakı müharibəni tez bir zamanda bitirə biləcəyinə inanmadığını bildirən Merz dedi: “Çünki iranlılar əvvəllər düşünüləndən daha güclüdürlər və amerikalıların danışıqlarda həqiqətən inandırıcı bir strategiyası yoxdur”.
Merz əlavə etdi: “Bu cür münaqişələrin problemi həmişə budur: sadəcə girmək kifayət deyil, həm də çıxmaq lazımdır. Biz bunu 20 il Əfqanıstanda çox ağrılı şəkildə gördük. Biz bunu İraqda da gördük”. Merz iddia etdi ki, amerikalılar İrandakı bu müharibəyə heç bir plan olmadan giriblər və bu da münaqişənin bitməsini indi daha da çətinləşdirir. İranlıların ya çox yaxşı danışıq aparan, ya da danışıqlar aparmamaqda çox bacarıqlı olduqlarını bildirən Merz, “Bütün bir millət (ABŞ) İran rəhbərliyi tərəfindən alçaldılır” deyib.
Şayəstə
