Naməlum şəxslər Hessen əyalətinin Offenbax-am-Mayn şəhərində Xristian Demokratik İttifaqının (CDU) qərargahına daş atıblar.
Elchi.az xəbər verir ki, bu barədə DPA xəbər agentliyi hüquq-mühafizə orqanlarına istinadən bu barədə məlumat yayıb.
Agentlik polisə istinadən bildirib ki, naməlum şəxslər Offenbaxdakı CDU qərargahına daş atıblar. Bir neçə pəncərə şüşəsi zədələnib… Dəymiş ziyanın məbləği 6000 avro qiymətləndirilir.
Hüquq-mühafizə orqanlarının əməkdaşları hadisənin siyasi motivli olduğundan şübhələnirlər. CDU-ya Fridrix Merts rəhbərlik edir.
Daha əvvəl iqlim fəalları Berlində CDU-nun (Xristian Demokratik İttifaqı) qərargahının damına çıxmışdılar. “Robin Wood” ekoloji təşkilatı bu aksiyaya görə məsuliyyəti öz üzərinə götürdü. Qrup öz saytında bəyan etdi ki, etiraz aksiyası CDU-nun rəhbərlik etdiyi Almaniya hökumətinin siyasətinə qarşı yönəlib; fəalların fikrincə, partiya iqlimin qorunması məsələsini arxa plana keçirir və sağçı “Almaniya üçün Alternativ” (AfD) partiyasının yüksəlişinin qarşısını almaq üçün strategiyaya malik deyil.
Bundan əvvəl Merts CDU-nun seçki nəticələrini fəlakət kimi qiymətləndirmişdi. O qeyd etmişdi ki, partiya mübarizə aparsa da, sonda Sosial Demokrat Partiyası ilə “Almaniya üçün Alternativ” arasındakı qarşıdurmada sıxışdırılıb və faktiki olaraq əzilib.
Yeganə
