Mersində İŞİD terror təşkilatı ilə bağlı 6 şübhəlinin tutulması üçün səhər əməliyyatı keçirilib.
Elchi.az bu barədə Türkiyə mediasına istinadən xəbər verir.
İl Təhlükəsizlik Müdirliyi Terrorla Mübarizə Şöbəsi qrupları terror təşkilatı İŞİD üzvlərinin hərəkət və fəaliyyətlərini deşifrə etmək üçün işlərini davam etdirib.
Bu çərçivədə təşkilat daxilində silahlı fəaliyyətlə məşğul olan və xaricdəki təşkilat üzvləri ilə əlaqələri müəyyən edilən 6 şübhəlinin tutulması üçün səhər saatlarında əməliyyat keçirilib.
Pilotsuz təyyarələrin köməyi ilə keçirilən əməliyyata çoxlu sayda polis qatılıb. Xüsusi əməliyyat polisi əməliyyatın keçirildiyi rayonlarda küçələrin giriş-çıxışlarında uzun lüləli silahlarla ehtiyat tədbirləri görüb.
Polisin şübhəlilərin tutulması və ünvanlarda axtarışları davam edir.
Nuranə Məmmədova
Son şərhlər