İtaliyanın baş naziri Giorgia Meloni bildirib ki, NATO alyansın kollektiv müdafiə nizamnaməsi modeli əsasında Ukraynaya təhlükəsizlik zəmanətlərinin verilməsini müzakirə edir.
Elchi.az xəbər verir ki, bu barədə “TASS” məlumat yayıb.
Meloninin sözlərinə görə, bu cür təminatlar Ukraynada gələcək sülhün etibarlı təminatı olacaq . O, həmçinin əlavə edib ki, bu müzakirə hazırda Qərb danışıqlarında əsas mövzudur.
Xatırladaq ki, NATO Nizamnaməsinin 5-ci maddəsi üzv ölkələrdən birinə hücum olarsa, alyans ölkələrini kollektiv müdafiə ilə məşğul olmağa məcbur edir.
” İtaliya həmişə qeyd edib ki, sülhün açarı Ukrayna üçün etibarlı təhlükəsizlik təminatlarıdır. Biz buradan başlamalıyıq və bu, avropalılar, amerikalılar və Ukrayna arasında bu yaxınlarda Vaşinqtonda keçirilən görüşdə də təsdiqləndi. İtaliyanın NATO Nizamnaməsinin 5-ci maddəsindən ilhamlanan mexanizmə əsaslanan təklifi hazırda müzakirələrin önündə gedir”, – o deyib.
Nuranə Məmmədova
