Halisco Yeni Nəsil Kartelinin rəhbəri və ölkənin ən çox axtarılan narkotik baronu El Mençonun öldürülməsindən sonra Meksikada baş verən zorakılıq nəticəsində ölənlərin sayı 73-ə çatıb.
Elchi.az xəbər verir ki, Meksika mediasının məlumatına görə, kartel üzvlərinin törətdiyi zorakılıqlar bir çox ştatda, əsasən də Xaliskoda davam edir.
İndiyə qədər toqquşmalarda 25 təhlükəsizlik işçisi də daxil olmaqla ümumilikdə 73 nəfər həyatını itirib.
Meksikanın Təhlükəsizlik və Vətəndaşların Müdafiəsi naziri Omar Qarsiya Harfuch təhlükəsizlik tədbirlərinin artırıldığını bildirib və ictimaiyyəti sakit olmağa çağırıb.
Harfuch bildirib ki, əksər yollar nəqliyyatın hərəkəti üçün yenidən açılıb, təhlükəsizlik qüvvələri nəzarəti bərpa edib və ölkə daxilində həyat normal axarına qayıtmağa başlayıb.
Lakin sosial mediada yayılan görüntülər göstərir ki, bir çox ştatda yolların bağlanması, nəqliyyat vasitələrinin yandırılması və təhlükəsizlik qüvvələrinə hücumlar davam edir.
Xəbərlərə görə, hücuma məruz qalan təhlükəsizlik qüvvələrindən 15-nin vəziyyəti ağırdır. Məlumata görə, hökumət zorakılığın şiddətləndiyi ştatlara 10 min əsgər göndərib.
Şayəstə
