“Vkusno i Toçka” restoranlar şəbəkəsinin sahibi Aleksandr Qovor TASS.ru-ya bildirib ki, “McDonald’s” geri satınalma müqaviləsi çərçivəsində Rusiyaya qayıda bilər.
Elchi.az Smotrim.ru-ya istinadən bildirir ki, Qovorun sözlərinə görə, şəbəkə sahibləri alqı-satqı əməliyyatı bağlayarkən şəbəkəni geri alıb Rusiyaya qayıtmaq istəyirlər.
Müqavilənin şərtlərinə əsasən, Qovor şəbəkədə nəzarət payını və bütün Rusiya üzrə master françayzilərini özündə saxlayacaq. 2022-ci ilin iyul ayında “Vkusno i Toçka” fast food restoranlar şəbəkəsi ziyarətçilərin sayına görə sələfi “McDonald`s-ı” geridə qoyub.
Xatırladaq ki, mart ayında “McDonald’s” Rusiyadakı bütün 850 müəssisəsini bağlayıb. Bu, Rusiyanın Ukraynada hərbi əməliyyatının başlamasından az sonra baş verib. May ayında şəbəkə Rusiya Federasiyasından çıxdığını və Rusiya biznesinin satışını elan edib. Onu sahibkar Aleksandr Qovor alıb. İyunun 12-də “Vkusno i Toçka” brendi altında ilk müəssisələr açılıb.
Yeganə
Son şərhlər