“Bəziləri may ayını vay ayı adlandırır. Ancaq bu əksinədir. May ayı əsl toy ayıdır. Çünki nə dinimizdə, nə də tarixi milli ənənələrimizdə mayda toy olmaz deyə bir fikir olmayıb. Bu sonradan ortaya atılmış bir xurafatdır. Çox güman ki, ermənilərdən keçib. Çünki onlar Andranikin qulağının bu ayda kəsildiyini hesab edirlər və yas tuturlar”. Bunu Elchi.az-a açıqlamasında Milli Cəbhə Partiyasının sədr müavini, ilahiyyatçı Tural İrfan deyib.
O həmçinin əlavə edib:”Təbiətin oyandığı, mövsümün aydınlandığı bir dövrdə evlənmək, toy, nişan etmək nədən qadağan olsun ki?
Bu barədə çox araşdırma apardım, ancaq heç bir səmavi dinin əsaslarında, təfsirlərdə bu haqda əsaslı bir şeyə rast gəlmədim.
Sadəcə qədim münəccimlər Ayın əqrəb bürcündə olduğu zamanda toy və nikah etməyin fəsad verə biləcəyini yazıblar. Çünki bu zaman Ay əqrəb bürcündə, yəni Mars planetinin təsirində olur. Bu planet də şərin, müharibənin rəmzi sayıldığı üçün həmin ərəfədə evlənmə məsələsini təxirə salmağı tövsiyə ediblər. Ancaq bunun may ayına heç bir aidiyyəti yoxdur.
Odur ki, may ayında toy etmək, nişan etmək, evlənmək doğrudur, heç bir problemi yoxdur, deyə bilərik”.
Havar Şəfiyeva
Son şərhlər