ABŞ-da iflasla bağlı hüquqşünas Mark S. Zukerberq Meta-ya qarşı məhkəmə iddiası qaldıraraq, onun sosial media hesabının məşhur Facebook qurucusu ilə eyni adı paylaşdığı üçün dəfələrlə bağlandığını iddia edib. İndiana hüquqşünası son səkkiz ildə onun hesabının beş dəfə bağlandığını və nəticədə biznesini itirdiyini söylədi.
Elchi.az xəbər verir ki, Zukerberq bildirib ki, Meta onu “məşhura çevrilməkdə” ittiham edib və onun şəxsiyyətini sənədlər və fotoşəkillərlə dəfələrlə sübut etməsinə baxmayaraq, hesabının bağlanıb.
11 min dollar zərər çəkib
Vəkilin məhkəməyə verdiyi vəsatətdə deyilirdi ki, onun Facebook-dakı reklamları ədalətsiz olaraq silinib, ona 11 min dollar ziyan dəyib.
Zukerberq bundan qəzəbləndiyini bildirərək, “Magistral yolun kənarında reklam lövhəsi icarəyə verirsən, pulunu ödəyirsən, gəlib onu ört-basdır edirlər. Pulunuz havaya sovrulur” deyib.
Metadan geri addım
İddia açıldıqdan sonra Meta hesabın nahaq bağlandığını etiraf edib və yenidən açıb. Şirkət, “Mark Zukerberqin hesabı səhvən bağlanıb. Səbrinə görə təşəkkür edirik. Bunun bir daha baş verməməsi üçün addımlar atırıq” ifadələri ilə açıqlama yayıb.
Qarışıqlıq davam edir
Mark S. Zukerberq 38 ildir vəkil olduğunu və məşhur iş adamı Mark Elliot Zukerberqin o zaman hələ uşaq olduğunu qeyd edərək, “Mən Mark Stivenəm, o, Mark Elliotdur” deyib. Vəkil əvvəllər də adına görə məhkəmələrdə yersiz hallandırıldığını bildirir və yaşadığı çaşqınlığı internet səhifəsində paylaşır.
Şayəstə Hüseynova
Son şərhlər