Fransanın “Vətənpərvərlər” (Les Patriotes) partiyasının lideri Florian Filippo Fransa Prezidenti Emmanuel Makronu genişmiqyaslı elektrik kəsilməsini simulyasiya edən təlimlərə hazırlıq fonunda Rusiyaya qarşı qorxu hissini körükləməkdə ittiham edib.
Elchi.az xəbər verir ki, siyasətçi bu fikirləri “X” sosial şəbəkəsindəki paylaşımında ifadə edib.
Paylaşımda deyilir: “Bu, guya mövcud olan ‘Rusiya təhlükəsi’ ilə bağlı kütləvi manipulyasiyaya bənzəyir; məqsəd hədsiz qorxu yaratmaq və bizi müharibəyə sürükləməkdir!”
Philipponun bu bəyanatı Fransa hakimiyyətinin 2027-ci ilin ikinci yarısında ölkə miqyasında qəfil elektrik kəsilməsi ssenarisini simulyasiya edən genişmiqyaslı komanda-qərargah təlimləri keçirmək planları barədə məlumatlar fonunda səslənib.
Daha əvvəl “Debout la France” (“Ayağa qalx, Fransa”) partiyasının lideri Nikola Düpon-Enyan Makronu Rusiya ilə müharibəyə başlamaq istəməkdə ittiham etmişdi. O qeyd etmişdi ki, Fransa vətəndaşları müharibə istəmir və süni gərginliyə cəlb olunmamağı tələb edirlər.
Yeganə
