Macarıstan parlamenti İsveçin NATO-ya üzv olmaq ərizəsi ilə bağlı səsvermənin bu həftə gündəmdə olmayacağını açıqlayıb. Səsvermənin noyabr ayına qədər keçirilməsi gözlənilmir.
Elchi.az xəbər verir ki, Macarıstanın müxalifət partiyası olan Demokratik Koalisiyanın vitse-prezidenti Aqnes Vadai sosial şəbəkədəki paylaşımında parlamentin İsveçin NATO-ya qəbulu ilə bağlı səsverməni təxirə salmasını pisləyib və “Vətənin təhlükəsizliyinə məhəl qoyulmur” şərhini yazıb.
İsveçin NATO-ya üzv olması üçün Türkiyə və Macarıstan razılıq verməlidir. Türkiyədə prezident Ərdoğan İsveçin NATO-da iştirakı ilə bağlı qanun layihəsini Türkiyə Böyük Millət Məclisinə təqdim edib. Təklifin yaxın vaxtlarda səsə qoyulacağı gözlənilir. Macarıstan isə bu mövzuda gözləməyə davam edir. Macarıstan mətbuatında Orbanın kabinetinin İsveçdən bəzi tələblərinin olduğu və bu şərtlərin hələ yerinə yetirilmədiyi üçün səsverməni təxirə saldıqları bildirildi.
Şayəstə Hüseynova
Son şərhlər