“Tibbi Sığorta haqqında” Azərbaycan Respublikasının qanununa təklif olunan dəyişikliklə sığorta olunan əhali kateqoriyası bir qədər də genişlənir. Bu mütərəqqi yenilik həbs edilmiş və azadlıqdan məhrum edilmiş şəxslərə qarşı dövlətimizin humanist yanaşmasının daha bir göstəricisidir.
Elchi.az xəbər verir ki, bunu Milli Məclisin Səhiyyə komitəsinin üzvü Pərvanə Vəliyeva parlamentin qurumun bugünkü iclasında deyib.
O bildirib ki, hazırkı qanuna əsasən, həbs edilmiş, müəyyən müddətə azadlıqdan məhrumetmə və ömürlük azadlıqdan məhrum etmə növündə cəza çəkən şəxslər sığorta olunan hesab olunmur və onlar üçün sığorta hesabına heç bir xidmət təminatı yoxdur:
“Həmin şəxslər qanunvericiliyə əsasən, penitensiar müəssisənin xəstəxanalarında tibbi xidmət ala bilirlər və ya penitensiar müəssisənin xəstəxanalarında yardım göstərilməsi mümkün olmadıqda, tibb-sanitariya hissəsinin rəyi və Ədliyyə Nazirliyinin Tibb baş idarəsinin müraciəti əsasında Penitensiar xidmətin müvafiq qurumu tərəfindən xəstə məhkumların cəzaçəkmə müəssisələrindən kənar səhiyyə müəssisələrinə müayinə və qısamüddətli müalicəyə göndərilir. Əksər hallarda, qurumun səhiyyə xərcləri ilə bağlı resursları və imkanları məhdud olduğu üçün bu göndərişlər təşkil oluna bilmirdi.
Ədliyyə Nazirliyinin cəzaçəkmə müəssisələrinin Daxili İntizam Qaydalarına əsasən, tibbi məsləhət və müalicə almaq üçün pullu xidmət göstərən tibb müəssisələrinə müraciət etmiş məhkumlar bu növ xidmətlərin, dərman vasitələrinin ödəniş haqqını öz şəxsi hesablarındakı vəsaitdən ödəyir və ya onların qohumları tərəfindən ödənilir.
Təklif olunan yeni qanun məhkumların tibbi xidmətlərə əlçatanlığı artıracaq və qurumun, məhkum və yaxınlarının maliyyə yükü ilə üzləşmədən, icbari tibbi sığorta sisteminin xidmətlər zərfi çərçivəsində tibbi xidmət almasını təmin edəcək. Göstəriləcək xidmətlərin tətbiqi şərtləri il ərzində 1 500 məhkumun tibbi sığortadan yararlanmasını nəzərdə tutur”.
P.Vəliyeva əlavə edib ki, Azərbaycan Respublikasının Konstitusiyasına əsasən, səhiyyə hüququ təkcə Azərbaycan Respublikası vətəndaşları üçün deyil, həm də əcnəbilər və vətəndaşlığı olmayan şəxslərə şamil edilir:
“Müzakirə etdiyimiz qanun layihəsi ilə cəza çəkməkdə olan həm Azərbaycan Respublikası vətəndaşları, həm də əcnəbi və vətəndaşlığı olmayan şəxslər qeyd olunan xidmət şərtləri daxilində sığortaolunan hesab olunacaq. Belə ki, hazırda, BMT-nin himayəyə götürdüyü şəxslər sığorta olunan hesab olunur, digər əcnəbi və vətəndaşlığı olmayan şəxslər isə yalnız işlədiyi zaman sığortaolunan hesab edilirdi. İndi isə yeni bir kateqoriya – məhkum edilmiş əcnəbilər də İTS fondu hesabına xidmətlər zərfi çərçivəsində tibbi xidmət ala biləcək”.
Çox gözəl təklifdir. Bu dəyişikliklə məhkumlar üçün də tibbi xidmətlərə əlçatanlıq artacaq. Beləcə, heç bir vətəndaşımız tibbi yardım ala bilməməzlik etməyəcək. İnanıram ki, bu, dövlətimizin humanist siyasətinin davamıdır.
Qəribədir, amma həkimlik heç də asan iş deyil, xüsusilə də əvvəllər “qapalı qapılar ardında” olanlar üçün indi “açıq qapı” prinsipi ilə xidmət göstəriləcək. Bu qanun layihəsi ilə hər kəs sağlamlığının qeydinə qalmalı olacaq, hətta bəziləri bunu şansa bağlayardı. Görəsən, “sığorta polisi”ni də qol qaçırmayalar.
Bu qanun layihəsi ilə məhkumların da tibbi sığortaya cəlb olunması düşünülmüş bir addımdır. Amma əsas sual budur ki, bu yeni sistemin tətbiqi hansı çətinlikləri yarada bilər? İcbari tibbi sığortanın genişlənməsi hər bir vətəndaşın sağlamlığına göstərilən diqqətin artması deməkdir, lakin bu, nə qədər effektiv olacaq? Məgər sığorta polisi ilə bağlı hər kəs tam məlumatlı olacaq mı?
Bu qanun layihəsi ilə məhkumların da tibbi sığortaya cəlb olunması çox gözəl bir fikirdi. Bu, onların da sağlamlığına diqqət yetiriləcəyi anlamına gəlir. Məncə, bu, cəmiyyət üçün də müsbət bir addımdır.
Bu dəyişikliklər çox yaxşıdır, məhkumlar üçün də tibbi xidmətin yaxşılaşdırılması vacibdir. Dövlətimizin bu cür addımlar atması humanist yanaşmanın göstəricisidir. Ümid edirəm ki, bu yenilik məhkumların sağlamlığı üçün böyük fayda gətirəcək.
Bu dəyişikliklər çox yaxşıdır, məhkumlar üçün də tibbi xidmətin yaxşılaşdırılması vacibdir. Dövlətimizin bu cür addımlar atması humanist yanaşmanın göstəricisidir. Ümid edirəm ki, bu yenilik məhkumların sağlamlığı üçün böyük fayda gətirəcək. Bu, əhalinin sığorta ilə təminatının genişlənməsi deməkdir.