Belarus və Çin liderləri ölkələrin tərəfdaşlığını, eləcə də dünya təhlükəsizliyini müzakirə ediblər.
Elchi.az xəbər verir ki, 1 mart 2023-cü ildə Pekində Belarus Prezidenti Aleksandr Lukaşenko ilə ÇXR Sədri Si Tsinpin arasında görüş keçirilib.
Bu barədə Belta agentliyi məlumat verib. Görüşdə dövlət liderləri Belarus-Çin tərəfdaşlığının inkişafının əsas prinsipləri haqqında Birgə Bəyanat qəbul ediblər.
Dövlət başçılarının iştirakı ilə müxtəlif sahələrdə əməkdaşlığa dair genişmiqyaslı sənədlər paketi imzalanıb. Bunların arasında ölkələrin Xarici İşlər nazirlikləri arasında anlaşma memorandumu, iki dövlətin regionlar ilinin 2023-cü il üçün planı, Belarus-Çin elmi-texniki əməkdaşlıq proqramının 2023-2024-cü illər üçün proqramı, Turizm və idman sahəsində əməkdaşlığa dair saziş və memorandum var. Digər sahələrdə də sazişlər bağlanıb.
Lukaşenkonun Çinə birgə müəssisələr yaratmağı və əməkdaşlığı inkişaf etdirməyi təklif etdiyi də bildirilir.
Bundan əlavə, Belarus Prezidenti ÇXR-in Ukraynadakı münaqişənin həlli ilə bağlı mövqeyini dəstəkləyib.
Xatırladaq ki, bundan əvvəl Çin Ukraynada sülhə nail olmaq üçün 12 addımlıq plan dərc etmişdi. Kreml Pekinin vəziyyətin nizamlanmasına verdiyi töhfəyə görə minnətdarlığını bildirib. Ukraynanın özündə və qərbində Çin sülh planı müsbət cavab tapmayıb.
Şayəstə
Son şərhlər