Belarus prezidenti Aleksandr Lukaşenko Ukraynanı böyük oyunda “pion” adlandırıb.
Elchi.az xəbər verir ki, onun Moskva vilayətinin qubernatoru Andrey Vorobyovla görüşündə səsləndirdiyi bu fikirləri “BelTA” agentliyi sitat gətirir.
“Məsələ heç də Ukraynada deyil. Sən məsələnin nədə olduğunu və son nəticədə kimin kiminlə mübarizə apardığını bilirsən. Ona görə də burada vəziyyəti anlamaq və kiməsə haradasa öz maraqlarını irəli aparmaq lazımdır. Nə bizə, nə də Rusiyaya bu münaqişənin davam etməsi lazım deyil”, — deyə Lukaşenko bildirib.
O, sülhün vacibliyini bəyan edib, lakin bunun Qərbin Rusiya və Belarusu “aldatmayacağına” və onlarla “oyun oynamayacağına” dair tam zəmanətlə şərtləndiyini vurğulayıb. Onun sözlərinə görə, Moskvaya qarşı ediləcək bir aldatma ilk növbədə Minskə zərbə vuracaq, çünki ölkəsi “Vətənimizin ön cəbhəsində” yerləşir.
Məryəm
