Lukaşenko: Belarusda ikinci atom elektrik stansiyası tikmək barədə düşünürlər.
Elchi.az xəbər verir ki, Belarus hakimiyyəti ölkədə ikinci atom elektrik stansiyasının tikintisini nəzərdən keçirir. BelTA xəbər verir ki, bunu Belarus prezidenti Aleksandr Lukaşenko Kostyukoviçi şəhərinin sakinləri ilə ünsiyyətdə olarkən deyib.
“Yəqin ki, bizim cəmiyyətimiz artıq post-Çernobıl sindromundan əziyyət çəkib… Biz hələ də düşünürük… Biz həqiqətən də ikinci stansiya tikmək istərdik”, – Lukaşenko qeyd edib.
Dövlət başçısı Minskin Belarus atom elektrik stansiyasını tikməklə düzgün qərar verdiyinə əminliyini ifadə edib.
Bundan əvvəl bildirilmişdi ki, “Rosatom” dövlət korporasiyası və Belarus Elmlər Akademiyası arasında elmi-texniki əməkdaşlıq haqqında saziş imzalanıb. Sənəd “Atomexpo-2024” beynəlxalq forumu çərçivəsində imzalanıb.
Müqavilə çərçivəsində iştirakçılar qabaqcıl elmi tədqiqatlar sahəsində problemləri birgə həll edəcəklər.
Həmçinin, “Rosatom” və Belarus Elmlər Akademiyası birgə yüksək texnologiyalar sahəsində elmi kadrlar hazırlayacaq.
Şayəstə Hüseynova
Son şərhlər