Liviyanın şərqində son iki gündə güclü tufan və daşqınlar nəticəsində 250-dən çox insan həlak olub.
Elchi.az xəbər verir ki, sosial şəbəkələrdə yayılan görüntülərdə “Daniel” qasırğasının Benqazi, Sus, Əl-Bayda, Əl-Mərc və Derna şəhərlərini vurması nəticəsində insanların avtomobillərində qaldığı görünür. İtkin düşənlər arasında Liviya Milli Ordusunun 7 üzvü də var.
Ölkədə üçgünlük milli matəm elan edilib.
***
Sel fəlakətində ölənlərin sayı 2 mini ötüb, minlərlə insan itkin hesab olunur.
Bu barədə Liviya rəsmiləri məlumat yayıb.
Liviyalı deputat əl-Hoca xarici mediaya açıqlamasında bildirib ki, ölkənin infrastrukturu bu kimi təbii fəlakətlərə hazır deyil:
“Binaların olduqca köhnə və baxımsız vəziyyətdə olması, küçələrin uzun müddət yenilənməməsi və s. hallar vəziyyəti daha da ağırlaşdırdı. Nəticədə xeyli sayda qaçqınımız var”.
***
Liviyada “Daniel” qasırğası nəticəsində ölənlərin sayı 2 800-ə çatıb.
Bu barədə “Anadolu”ya Liviyanın Qızıl Aypara Cəmiyyətindən bildirilib.
“Qızıl Aypara Cəmiyyətinin bütün şöbələrindən toplanan ümumi statistikaya görə, 2 800 nəfər ölüb”, – Cəmiyyətin adı çəkilməyən nümayəndəsi açıqlayıb.
Məlumata görə, hazırda təbii fəlakət bölgəsindən 7000-ə yaxın ailənin xilas edilməsi üçün əməliyyat aparılır.
***
Yalnız Derna şəhərində təbii fəlakətdən ölən insanların sayı 5 min 200-ü ötüb.
Bu barədə Liviya Daxili İşlər Nazirliyinin sözçüsü Harraz yerli mediaya açıqlamasında deyib.
***
Liviyanın Derna şəhərində daşqınlar nəticəsində 6 min nəfər ölüb.
Bu barədə TASS məlumat yayıb.
Son şərhlər